2009年11月12日 星期四

我愛死UNIQLO

女仔之中,我都算比較特別的一個。事關我完全不喜shopping,覺得行街買衫買鞋是一件浪費金錢的活動,加上為人過於實際,一想到「買番去冇位擺喎/呢d 款唔襟興喎」就連$1 都不願花。

我是否真的不喜歡血拼?都不是,只是我買書買影碟多過買衫買鞋。
無他,因為書跟影碟是永恆的。衫褲鞋襪的款式熱潮一過,你都唔願著出街啦。
所以,我著衫永遠只著永不會out 的款式。
你可以話我唔入流,我認,我甚至不認為這有什麼問題。

因此,我很少被各大牌子打動。我連H&M 都不喜歡(比起H&M,我較喜歡Topshop)。
唯獨是UNIQLO,往往令我有購物的慾望。
因為太合心意了,那些款式不古靈精怪、即永不過時。
請注意,永不過時不代表土,okay?
我買衣服常想找非常簡單的款式來方便自己玩mix & match,而這種衣服永遠都可以在UNIQLO 找到,亦只可以在UNIQLO 找到。有時只不過閒逛UNIQLO,一見某些衣服,腦內會立即自行玩襯衫︰呢件褸如果襯條咩顏色的褲加件咩顏色的恤衫,再著對咩咩鞋,袋就拎嗰個就ok 喇。
因此令我很手痕,明明不想買東西都變得立即想付錢。
例如今天,明明只是陪男伴揀毛冷襯衣,結果是我又看中了一件冷褸。

重點是不貴嘛,痴線起來,可以一款買多色(我沒試過,okay?)。
有次外出後才發現我身上除了Converse 及襪子,都是出自UNIQLO,我才明白我對它有多中毒。到今天我終於都在其官方網頁登記,希望收到最新的資訊。這真是我有生以來第一次做這種事來。

我想唯一缺點是,顏色老是不夠好,有點怪怪的。

你覺得UNIQLO 很cheap?
但你又是否知道,UNIQLO 這品牌令到其老闆柳井正背成為日本首富?
我希望UNIQLO 生性下去,如果步香港佐記後塵的話,我買衫就煩了。

7 則留言:

Jodie 提到...

完全同意!
想不到要說什麼,因為我所想的你都寫了!

瑪嘉烈 提到...

thanks :)

Agnes Tse 提到...

H & M, 我太討厭她的濫, 質素的差....

Topshop如果可以來香港, 又多一個選擇.

UNIQLO對我來說款式太簡單. 但不能太嫌. 太古城分店曾出售"林靜一"浴衣, 嚇得差點昏倒. 可惜物無所用, 始終沒有買下來.

匿名 提到...

我係女仔, 也是愛買書多過買衫/化妝品
也是很愛UNIQLO!多謝妳寫哂我的心聲!

瑪嘉烈 提到...

AGNES: 我唔鍾意H&M d 款,怪怪哋,係in,但硬係覺得頂多玩一季就完,唔襟著... zara 好少少,但比h&m 貴。至於topshop 就真係正!款靚得嚟唔易out!不過topshop 唔志在香港個市場,唔打算響香港開分店,so sad!!!

UNIQLO 出浴衣時我都想買架,但響香港真係著唔落。不過話時話,浴衣系列只得太古城同又一城有得賣,可能地方夠大啩。

Kathy 提到...

H&M 在我這邊又cheap又土
我們從不明白為何在香港是名牌

瑪嘉烈 提到...

kathy: h&m 響香港唔叫名牌。名牌仍然指Louis Vuitton、Burberry、Celine 同 CHANEL 嗰D 貨色。H&M 受歡迎的原因係,佢d 款"inspired" by 各大名牌,但價錢相對平好多。不過個人嚟講,我真係唔太buy 佢d 款,次次唔夠5 分鐘就走。