北風起，就想死。

我喜歡冬天啊，但我討厭東北季候風。
家向北，夏天打風時一滴風也沒有。
真的，8 號波的夜晚，我是把家裡所有窗都打開，然後再網上追風（我這人真的很宅）。
冬天就慘了。我想「開窗開條隙」都不行，因為食正風。
開條隙（唔好諗錯隔離，okay？）只得2 個下場︰1. 風自動幫你關窗。呯一聲，玻璃沒爆已是萬幸。2. 風自動幫你開大隻窗，然後屋裡的紙張通天飛。
就算把窗關掉，風仍然在不知在什麼地方吹進來。
說實話，冬天時，我家可是比街上更冷。

之前因為仆街了，膝蓋受傷，不方便進行高難度動作，包括擒上擒落，及跪下來，於是我去了姐姐房睡（對，我自己間房係亂得好恐怖）。本來調房睡十分開心，但煩惱來了。我姐房間因為窗跟門的位置關係，是十分扯風的。東北季候風來到，晚晚都透過窄到無倫的窗縫吹到我已關上的房門呯呯聲。我無法把窗全關上，因為太焗，會頭痛。有時啊，因為窗縫太窄的關係，我總聽到風吹得嗚嗚作響，好似鬼叫咁，外面一片哀鴻遍野，加上門不停呯呯呯，你都唔好話我唔驚！我晚晚都覺得自己疑似撞鬼，一係就俾風聲嘈到瞓唔到，一係俾風聲嘈醒。痛苦到爆！

所以啊，我超級討厭住向北。如果要住向北，真的，不要住高層，你會後悔。