誰殺了莫札特？

我是蔡瀾的信徒，認為傳統的東西最好。什麼都不要改，把傳統的好好保存下來，再承傳下去，就最好。是否不喜歡新事物？當然不是，但前提是，你要改的話，最好做得好好睇睇。

今晚，我看了《魔笛》首場。我承認，我對它抱有極高期望。The Magic Flute 嘛，是Mozart 經典之作，Queen of the Night 高歌那一曲，更是百聽不厭。可是，今晚我失望之極。

一開場，我見到佈景擺設，森林不似森林，我已經覺得出事。我再見到想襲擊Tamino 那一條龍，更是嚇怕了。這完全是山寨版的《魔笛》、完全不是我認識的《魔笛》！

先說setting，我看得呆了。根本就不是中古世紀的歐洲大陸，而是跟你玩exotic！我看見的是仿埃及及東方的佈景！居然出現了光管，神殿的門口！！！我以為是Las Vegas 或MK 版的The Magic Flute!!

道具︰離譜到不得了！魔笛是一枝光管！Three Ladies 打龍又是光管！

服裝︰完全醜！Three Ladies 扮蝴蝶裝衰！Pamina 的裙醜！夜后都醜！全都係薛家燕登台d 閃令令衫！中間仲有d 人係印度安人打扮！Sarastro 的手下全都是日式裝扮，一身黑色的劍道袍！Pamina 跟Tamino 最後結合的衣服，又是日式的寬袍闊袖！Sarastro 的costume 更是恐怖，活脫脫是黑澤明《亂》中的一文字秀虎的裝扮！連化妝都似到十足十！



還有那些野獸.... 救命！都只是把個人戴上大頭盔，全都是用螢光油漆塗上動物模樣，就似新年舞獅的大頭佛一樣，不過唔係人樣，而係中式的馬騮、中式獅子老虎樣，仲要冇下身！最最最令我失笑的，係Pamina 同Tamino 一齊通過火的考驗前，居然出現2 隻類似兵馬俑的物體！拎住2 枝光管，將魔笛交俾Tamino。兵馬俑加光管，等於秦俑同你玩Star War!

演員︰除了扮Pamina 的黃英唱得非常好外，其他的都差！差！差！最過份是扮夜后的Ekaterina Lekhina，solo 2 次都走音！天！是走音！！！我完全接受不了！本來套opera，夜后威脅Pamina 殺Sarastro 係高潮所在，應該好有tension 先啱，點知乜feel 都冇仲要走3 次音！冇錯！係一首solo 都走3 次！全場音樂又蓋過歌聲，我當你是因為首場所以總有mistake 出現。但每人都唱得不好！黃英唱得好，是因為聲音響亮，而且充滿感情，她是連聲音都跟你在演戲（歌劇不是應該如此的嗎？）可是其他人，特別是扮演Tamino 的Bruce Sledge 完全沒有感情！跟Pamina 完全沒有感情交流，一句講哂，連戲都懶得交！Tamino 連吹笛都求其過人！笛聲起咗先將枝笛放響口邊，仲要擺響口邊就算！連吹下都唔扮！笛聲未完就拎開佢！頂你個肺你咁x 求其咪唱啦笨！仲有，扮Papagena 個Joyce Wong，居然唱唱下，爆咗句「係呀！係呀！」冇錯，係廣東話！呢個可能係導演安排，但sorry，我唔覺得咁樣好funny，我覺得好不知所謂！

我唔知究竟係導演（導演都係唔掂架喇，Tamino 同Pamina 最後的考驗真係求其到你唔信！）定producer 的問題，總之我覺得好難睇！《魔笛》本來就係首首歌都好好聽，但成場表演我覺得冇一首歌係唱得好聽！你要玩中西合壁版的The Magic Flute 唔係唔得，但唔該玩得好d！整台戲，完全沒有美感可言！每樣setting 除了肉酸之外就只得核突！天！你樣衰就算！但連最基本的唱跟演都完全唔掂！與其花咁多心思整埋d 咁disgusting 的setting 整色整水，不如度下點樣做好個表演、練好最basic 的唱同演好過啦！

搞到不倫不類，你對得住Mozart 都對唔住自己啦！

我寧願你做番最最最traditional 版算，正正常常咪好囉，搞咁多花臣托咩？基本嘢都搞唔好！我真係好後悔真金白銀俾成幾百蚊睇d 咁的performance!!

http://www.lcsd.gov.hk/CE/CulturalService/Programme/tc/music/000000ea.html

成場除咗黃英d 表演外，冇一樣好！





Diana Damrau 唱得好又演得好！
個台setting 又靚又啱feel，
同今晚個show 比，真係天堂與地獄！




題外話︰
呢個Victioria Joyce acting 唔多掂，不過唱得極好，超靚聲，重點係好夠氣仲唱得好輕鬆。
世間少有。