2008年4月10日 星期四

愛之深責之切

早就猜到壹仔的方俊傑會寫Evangelion,不外乎因為九十年代會看動漫年紀不太少又會思考人生問題的都會成為Evangelion 死忠派。

轉載︰
《福音戰士新劇場版︰序》 --等待

如果,目的只為重溫《新世紀福音戰士》,應該滿足,節奏明快,情節變動不大,配樂健在,只缺少給《我和彊屍有個約會》抄到爛的字體,連綾波麗的裸體都出埋了,兒時回憶湧上心頭,幾乎想即刻返屋企再煲DVD,睇埋打後嗰幾隻使徒。

咪就係囉,有DVD 喎,想重溫,幾時都得。隔成十年出的《新劇場版》,話明新,我真係唔滿足於畫面質素好咗,多咗首宇多田光主題曲就算,一早知不是前傳或後傳或外傳,也以為會有改良或修正或補充,從四部曲第一回來看,暫時未見。還有什麼意義?想吸納新觀眾?似乎最合理。新一代不看文字只看圖像,節奏慢少少已經嗌悶走人,《新劇場版》完全向住呢兩個目標出發,如果推測屬實,更重要的,可能是先將深度推淺。還是《福音戰士》嗎?

樂觀一點,第一部曲《序》的結局已經見到故事上一個大改動,是暗示下三部曲會跟TV 版有分別吧。不要忘記,TV 版結局兩回一直是一般《福音戰士》fans 破口大罵的對象,庵野秀明是不是有心製造一個合乎大家要求的正統結局,不再玩洗腦式獨白?抑或再勁一點,製造一個更加難理解寓言更深要更多專家解讀的新結局?

無論如何,現時唯一可以做的,就是等待,等待下三部曲打開個絕對領域。





我就係怕新不如舊。
同埋我唔係一般fans,我好鍾意TV 版個結局喎。



罵還罵,根據香港時間下年上《破》,2010 年(!)會同時上《急》同最終話,到時方生咪又係入去戲院睇,呢d 心魔嚟o既,係鍾意就冇辦法。

沒有留言: