Bow Tie, Study Hard!!!

曾bow tie 一如意料之中，policy address，講得動聽點叫沒有驚喜，講得直接叫「廢到無倫」。社民連抗議被趕離場都是意料中事，唯一有驚喜是bow tie 居然對泛民的紙牌並非視而不見，而且有意見。

曾特首話"Bow Tie Keep Your Election Promise" grammar 出錯，應該加s。我看了又看，哪隻字需要加s???? 原來偉大的特首指keep 要加s。會議中沒人有反應，然後瑪嘉烈‧吳在會後直指是特首grammar 有問題，keep your promise 並不需要加s，因為這是指令式語句。

大狀同特首，你信邊個d 英文？bow tie tsang 跟英國佬搵食咁耐，英文仲係咁屎真係令人有d 意想不到。不過講真，bow tie 本身學歷唔高，只不過中七畢業，係入咗正苦工之後，正苦保薦佢去Harvard University 進修拎個public admin 碩士。唔係特別睇好佢，係基本上好多AO 都有正苦津貼去讀書。我甚至懷疑，bow tie 根本唔係學士。即唔係undergrad，一跳就讀master。

雖然係咁，但佢始終都係名牌大學碩士吖。一個Harvard master degree holder d 英文都咁，話香港學生英文水平越來越差，咩一代不如一代，咁身為下一代的我們可以放心啦，我哋d 英文差極都唔夠特首英文差咁令香港冇面。特首俾人串呢件事，講明3 件事。1. 先撩者賤。成個泛民大把大狀同專業人士響度佢都單挑人d 英文？單挑冇問題，問題係佢d 英文真係唔夠人叻。結果露底俾全香港知佢d 英文grammar 分分鐘連小學雞都不如。2. bow tie 次次一唔跟稿講嘢就會出事，證明冇智慧冇急才。3. d 人話以前d 叻人畢業後走去做大狀呀醫生呀呢d 專業人士，都唔會打正苦工，呢個講法可能係正確。所以大家應該明白，點解香港今時今日搞成咁啦。

而家睇下，佢有冇d 咩智囊團呀spin doctor 之類教佢粉飾番個s 究竟加響邊同埋點解啦。至於佢會唔會效法溫家寶寫公開道歉信話自己錯？死心把啦，冇可能架喇。


--------------------------

不過最令我火滾係press con，bow tie 話豪宅樓價爆升不涉民生，但佢會留意普通市民購買樓宇的價格走勢。

小喇叭，而家香港起d 樓係俾普通百姓買架咩？香港起來起去得（偽）豪宅！夾屋居屋又唔見你起？叫人點買樓呀？不計豪宅，樓價維持穩定？全香港樓價升到亞媽都唔認得啦！佢盲架？首次置業貸款計劃又冇，叫起番居屋又唔起。呢d 唔係幫普通市民買樓的措施架咩？咁巴閉不如解釋下咩叫「普通市民」啦？我哋本土香港人響香港打份牛工唔叫普通市民，叫蟻民呀？！落嚟炒貴d 樓d 人先叫普通市民呀？！一句講哂，向地產商傾斜咪傾斜囉，橫掂對我哋呢d 蟻民嚟講都唔係新聞嚟架啦！但使唔使吹水吹到咁脫離現實呀？

做人做到佢咁抿住良心、抿埋對眼講嘢，你仲使乜帶眼鏡呀？講到懶激動懶熱血咁，挑，仲話自己飲香港水流香港血，你羞愧唔羞愧呀？