昨日先講完HKIFF 總有lai 嘢之時，即晚就lai 一嘢。
點解睇iff 咁易lai 嘢？皆因場刊寫手實在冇得彈，明明是毫不精彩，睇到你冇耐性的電影(起碼我覺得係)，可以寫成王家衛式的愛情美味關係(到底有幾多wkw fans 因為呢句而入場？)，明明是一片頹垣敗瓦，都可以寫成南歐城市風，另外，魔幻寫實個魔幻究竟響邊？所以我真係要俾10 個讚俾撰文嗰位師兄姐，好野！
好，講番正題，究竟有幾lai 嘢？好簡單，部電影完全冇張力，整部電影好鬆散，情節毫不感人又不浪漫亦不幽默，總之要咩冇咩。彈咗咁耐，係咪一樣好嘢都冇？都唔係既，結局是唯一一個比較可取的地方，男主角死後，女主角身邊就發生一d 「巧合」事件，算係有番少少趣味，少少咁多囉。
3 則留言:
此文已刊於: http://www.hkifflink.net/2009/03/27/2520/, 繼續努力~
我都覺得LAILAI地，個導演有D眼高手低啦。至於場刊，我唔係因為佢寫而中招既，我已經唔睇佢老作好多年，我係咁岩時間地方就到我買即場既。我諗住塞以維亞好奇下。
真係唔好信場刊既介紹呀下次。
香港仔公爵︰謝你的留言。我都係早就唔信場刊，今次lai 嘢事件係源於同行伴侶對「場刊」的無知所造成。據知，佢都後悔到不得了。哈！
張貼留言