他說：「其實故事大部份都係童年經歷，細細個家庭發生嘅喜怒哀樂事。呢個劇本可以講係我幾十年前已經開始寫（日記形式），但攞呢個故事做電影嘅衝動，唔知點解呢幾年越來越犀利，可能係因為好多 80後嘅問題、大家嘅迷惘、社會上又見到好多負能量。咁我好奇怪，我細個時候遇到嘅困難唔係比呢啲更大？我哋 60年代長大嘅人真係冇怨言。」
真係？
66、67 因為天星小輪加價所引爆的暴動是什麼來的？定係當年你太細個，所以冇印象？當年冇人怨香港貪污勁？
話不要說得那麼盡，你在柏林挾了個名不經傳的獎回來本是高興事，但你興還興，不要隨便揀慶人嘛。一回港第一件事就是玩抽水。又關80 後事？大佬你個劇本其實寫咗10 年有多喇喎，仲要上年年頭拍，當時香港鬼有「80後」？話而家香港d 年輕人咩都要政府幫？一直嘈政府唔幫手嘅係你自己嗰行電影界喎。一面拎政府資助，一面話叫d 人唔好咩都叫政府幫，你覺唔覺得自己好無賴？你同你老婆呼籲政府保留永利街，要做好保育工作，咁香港好多年青人，包括你口中的80 後同你抱一樣意見架，又唔見你講？定係青年人講保育等於多怨言，你拎完個獎講保育就顯得特別理直氣壯？
其實好簡單問自己一句，假若係今時今日，你只得幾歲，你父親響廣州落嚟，想做番鞋匠，響香港仲可唔可以唔使俾人告自己搭間鐵皮屋造鞋？定係迫住響領匯租舖捱貴租？
世界變咗九世喇，唔好再同你老婆成日抱住精英主義睇香港啦！一朝得志，唔一定要語無倫次的嘛！拎獎唔一定要抽水的嘛！
by the way，其實我幾like 你同你老婆d 作品，但今次我已經決定唔會入戲院睇。你連世界變咗九世、越變越快都察覺唔到，我唔認為你d 電影可以有啟發性。請繼續食老本、拍上一代、上上一代已經響當今香港唔work 的奮鬥故事吧。
更好觀點︰
六十年代樣樣好？
《歲月神偷》續集芻議
5 則留言:
我還以為自己敏感，聽到他這樣說覺得很不舒服。真是要擦鞋或感恩也不要這樣說吧。
hey,我都非常同意你ge睇法!大佬,你攞獎還攞獎,何解要抽八十後ge水呢?!我身為一個八十後,一聽到佢講左呢句o野,真係想爆粗鬧佢...佢都識講啦,佢六十年代長大,憑d乜o野黎評論八十後?!其實我地每一個年代都有自己ge難處,我唔會拎自己同七十、九十後比較,咁係冇意思=S
鬧得好！！like this! 本來我都因為條永利街，想睇下部戲，點知導演的言論，實在令我卻步…
其實《玻璃之城》的中產角度 +
把新一代寫到沒有理想，膚淺浮誇，
已經很討厭他們。
《歲月神偷》，byebye!
easy to go and easy to forget.
講真, 香港電影死到最後, 都唔會有人想起羅啟銳做救世主.
都係果句: 上一代留左d乜野我地呢? 我只"埋怨"自己無料到.
張貼留言