係咁架啦，有幾奇？

開香檳係刑事罪行有咩咁奇？用大聲公係襲警添啦。
好出奇咩？呢度係香港吖嘛。你估仲係英屬香港咩？而家係中國香港呀。越來越似大陸係一定架啦，唔係點証明俾人睇大陸已經收番香港呀？CNN 真大驚小怪，我哋大國勃起呀，好心CNN 認識下我哋偉大中國d 國情先好出新聞啦。劉曉波只不過寫咗篇文重申部份中華人民共和國憲法精神都要坐11 年啦，香港人用香檳顏射中聯辦保安直情要打靶添啦，而家拉完你你都冇神秘失蹤到仲可以接受記者訪問，直情要多謝黨多謝國啦，你仲嘈嘈嘈嘈乜啫。

呢d 直情係犯罪現場，仲要係有組織性犯罪添啦，咁你明白點解港台要俾人陰乾啦！




先旨聲明，你哋d 鍾意飲champagne d 法國仔，咪鬼嚟香港呀。陣間你一開香檳我報警架！香港係紅酒港呀，唔係香檳港呀，你一係嚟香港開紅酒啦，咁就吹你唔脹喇，我相信ngon ping san luk ling 仲好歡迎你添。