Stephy 以才女姿態出書，書中特多錯別字成為城中笑柄。說實在，我不感到出奇，你不會認為一個會寫字會出書的人真的等於才女吧？我感到奇怪的是，為何出版前沒有人幫他做校對？
一樣是「字」，我比較focus 的是食字，譚校長再次表現其食字功有多高深。
「人哋冇依冇靠冇衫着」馮仁昭四圍超：阿倫聚焦周秀娜狂寸豬中模 2009年07月24日
譚詠麟、陳奕迅（ Eason）、任賢齊同李克勤噚日出席喺大球場舉行嘅「香港 2009東亞運動會 100日倒數及火炬傳遞」記招，四位歌手都會擔任火炬手， Eason喺台上話能夠推動運動會覺得好高興，仲話細個時好鍾意踩 BMX，阿倫即刻取笑佢話：「嘩！踩單車好危險，你所餘無幾。」 Eason就反駁：「咁可以戴保護罩嘛。」阿倫同克勤對於冇咗健美項目覺得好可惜，阿倫好抵死咁話：「而家啲人都轉咗，淨係睇女性胸肌，噚日（前日）日全食，啲 o靚模趁機襲地球。」問阿倫係咪都有留意 o靚模群攻書展，阿倫話：「有得唔留意咩？我覺得 o靚模係分開幾個階段，有 o靚模同乳模，乳模入邊又分開有模同冇模。」
乜嘢叫有模同冇模呀？阿倫解釋：「有模即係有 model嘅形態，冇模即係冇形態囉，到咗佢哋大啲就變中模，靚嘅就係中模艷，唔靚嘅就係豬中模，即係豬扒，老啲仲做 model就變咗老模，佢哋有咁多模，應該搵番個主席做模主席。」不過阿倫轉頭又話 o靚模騷胸無可厚非，又唔係殺人放火，有啲係真材實料，都係攞啲嘢出嚟賣推銷吓搵啖飯食，佢仲話人哋冇依冇靠冇衫着，唔好成日話人性感喎，應該鼓勵吓人。問佢對邊個 o靚模最有印象？阿倫話：「我講唔出名喎，邊個叫你哋（指記者）篤佢個胸嗰個囉。」哦！即係周秀娜啦！
譚校長，勁！
沒有留言:
張貼留言