CCTVB，請你跟曾蔭權一起收皮吧。

其實很想寫寫特首答問大會同新疆，但工作手尾執到我好躁，所以一切從簡，而且寫得比較俗，請見諒。

對於特首的咩2012 雙普選無能為力之類的答法，冇咩特別感覺，因為都在意料之中。 但我發現，每當他被人質問得口啞啞之際都以一句「主席，我沒有什麼好回應」之類來做回應，我就真係覺得，特首份工都幾好做喎。面對道理唔響自己嗰邊所以反駁唔到的時候，就話冇咩好回應來擋駕，然後就咩都唔需要解釋，真係天大的架子。重點係，講得出呢句，其實背後思維係「我都費時同你班友up」，即佢今次好醒目地將「我唔想同你9 up」化成文縐縐的講法，響9 up 的層面上，佢真係進步得好快。如果質問佢的人係普通市民，唔知佢仲係咪咁串咀呢？但main point 係，質問佢的legco members 大部份都係民選的。一個非民選的特首對住民選的立法會議員都咁趾高氣昂，你點會期望佢會真正用心聆聽同尊重民意？

響報導新疆問題上，cctvb 再一次向全大中華區顯示佢哋真係好想成為香港的中央電視台。2 個唔同的民族，講唔同的語言，有唔同的文化，唔同的宗教，唔同的飲食習慣，甚至最簡單咁睇，連樣都唔一樣（新疆人靚好多喎），一睇就知非我族類。但要2個完全唔同的民族要和平共處，真係咁難咩？與其有意無意將新疆人描述成冇血性、恐殘、唔理性的民族同恐怖份子，點解唔睇下中共究竟對佢哋做過d 咩？點解唔睇下中共的民族政策做成點？本來我覺得中共專制的政權起碼玩多一百年先收皮（即到我死嗰日香港都唔會有民主），但最近好多事都令我覺得，可能唔使等一百年。不過就算中共下台，唔代表唔會有第2 個「中共」上台。因為政權轉移，唔代表有民主。正如中國帝制從未沒落，佢只不過以另一種形式存在。又正如香港回歸，唔代表佢而家唔係另一個殖民地。名字改變唔代表本質有變。正如莎士比亞響Romeo & Juliet 入面講過，玫瑰唔叫玫瑰都係一樣芳香美麗。所以就算話新疆動亂係由兩族間文化上的差異及兩族間經濟情況的差距所造成，都唔代表真係只得呢2 個原因咁官腔、咁膚淺簡單。

所以CCTVB，請你跟曾蔭權一起收皮吧。