2011年5月24日 星期二

冇諗過要你balance

沒多久之前,我在一間小機構裡工作了很短的時間。
到而家我仍然相信,公司最忌多女人。
猶記得見工時,被so-called senior 的人問到我是否願意OT,或於周末工作。
我說不介意,見工除了是互相欺騙外,亦是互相了解的機會。
所以我直答,不介意,但預告我將會在新界修碩士,於西區上班的話,可能會影響上班時間,不過我願意調整安排,只是當時我仍不知道上課時間究竟會在週末還是週中。見完senior 再見老闆,結果老闆請了。
有時女人的直覺是很厲害的,一踏入office 門口,已感覺到氣氛不大對勁,大概一個基本上只得女人男人得一個的辦公室,人人都希望新來的會是男吧。
做了很短時間,就沒有再幹了。
女人是很恐怖的。
老闆本來還覺得我可以留多一陣子,只是senior 的影響力實在大。不為什麼,因為小機構,寧失去新人,也不要得失舊人。
最後一天,那位senior 當著我面跟另一位同事說︰「我唔明點解話讀書會影響囉,嗰陣時阿邊個呀(做了數月就轉工的男同事),夠要讀master 啦,佢咪又係星期六先讀!」原來呢個係死因之一,ok,咁you win 囉。
言下之意,即覺得我用讀書做OT 擋箭牌。其實我更唔明,大把人讀master 都係週中上堂的,有幾多個人可以星期六上堂?學校schedule 我編架?你覺得自己響外國讀完碩士番嚟就好威威嗎?如果你唔知道香港好多人要週中讀書,咁係你井底之蛙、見識少、完全跟香港社會脫節。的確,你可以繼續在你的世界裡精神自褻覺得自己是最叻、什麼也是對的人。

而我,到最後,的而且確,是在週中上堂。
到今日,我仍然忘不了這個senior 的蕉皮。我知道,香港人很忌說前公司壞話,因為分分鐘影響日後的搵工機會,而且正如The Social Network 裡說過,很多事,你一放上網,就已經是black & white,一定會留底,抹也抹不掉。但委實這事已放在我心裡很久,從來沒跟任何人說過,實在不吐不快,因為我被沒common sense 的人羞辱人格。

我唔明,讀書同工作係咪真係唔可以balance? 香港地,係咪真係有d 人,覺得進修一定要讓路給工作?如果你的課可以在星期六上堂,就算不合你選讀,你也要為了遷就週一至週五的工作而選擇星期六上課嗎?

我不知道,究竟在香港擁有這變態想法的人有多少?

4 則留言:

Sonia 提到...

unfortunately, 有很多. 帶點被迫的成份.

Uncle Ray 提到...

我想問,個senior係男人定女人。

我估係女人。

hystericireul - 鄧景 提到...

1. 做得短...... 有幾短???

2. 如果我確定我唔會見番舊公司既人,甚或我係會轉行既話,氣頂起上黎我可能會臨走出個mass email,同全世界講呢個senior幾咁有問題。因為照睇你篇文,其實你老闆都想留你嘛。

咩叫唔可以講舊公司壞話??? 我唔覺得呢個「慣例」有咩咁合理。最多話,係同一行既話有可能山水有相逢,避忌下je。

瑪嘉烈 提到...

Uncle ray: 梗係女啦!

鄧景︰
1. 一個月
2. 係想留我,但又點呢?我明白老闆諗乜︰細機構,員工關係會好重要,如果留我一人要令d 舊人唔開心,佢寧願我走。

冇嘅,個個都話唔鍾意d 人,謂前公司壞話,好容易俾人壞印象,你知啦,網上留底太易出事。