2009年9月8日 星期二

弄壞了身子

我一直認為人生有三大樂事,就是食得瞓得痾得。
最近啊,我很不幸。

我已經連續N 天睡不到覺。
躺在床上不停輾轉反側,就是睡不到。
每天大約只睡三數小時,而且是睡得很不穩。有時迫自己睡少一點,希望晚上會很累很累然後就會睡著。
但完全沒效。

我已經連續N 天吃不到東西。
前陣子又肚瀉又吃止痾藥又胃酸倒流。
胃部因為多天吃得少的關係,也變得小起來。
吃一個吉野家下午茶當午餐,那份烏冬算是小號了,可是吃不到2/3 就已經覺得飽。
不浪費硬把其餘的都吃下,就覺得胃部頂住頂住,感覺消化不良。
之後更可以一直不覺得肚餓。
真的,我一天吃一餐就已經很夠。
天!這對於愛吃的我是一大懲罰啊!
我仍很想吃火鍋啊,吃得那麼少叫我如何去打邊爐?

說實在,這兩年我的腸胃不適復發密度是這麼多年來之冠。這兩年,我已看了十多次醫生。半夜去私家醫院、半夜去診所,不是痾就是因為想嘔,再來就是又痾又想嘔,有時還伴隨著輕微發燒,即永遠99 度以上100 以下。有時真的不知道這是否饞嘴所帶來的惡果。

唯一可幸的是,我最近因為食得很少而瘦下來。盆骨位置的贅肉減了不少(我最瘦時是一點贅肉也沒有啊,體重100 磅以下,現在想起我覺得很不可思議),看來我的新陳代謝不算太慢,即我都不是很老的啦!

2009年9月6日 星期日

樂土

什麼也未定下來,就已經忍不住要說一句....



I'm coming!!!!

2009年9月5日 星期六

這就是(偽)大國風範

中華人民共和國原來是這樣崛起的。
中華人民共和國原來是這樣慶祝國慶的。
中華人民共和國原來是這樣保護記者的。




這樣的國家變成世界大國,是全世界最白色恐怖的一件事。
除了他媽的不該,還可以說什麼?
怎能夠為這個國家、身為這個國家的人民而感到自豪?

留言當新文

其實冇咩特別,橫掂呢排都冇咩嘢想寫,加上係覆大魔王時寫得太長,唯有又係留言當新文,所以呢篇文的target reader 係大魔王,而當中的「你」字,係指大魔王(咁我真係覆梗佢架嘛)︰

其實要求大學畢業生需要附送工作經驗,唔係今時今日先發生的事架喇,都發生咗好幾年囉。而家d ad 更奇怪的是,佢只要f.7 畢業生,但英文唔該excellent。講真,英文excellent 的話,又點會f.7 止步?好明顯係d 僱主想請廉價優質勞工。

我當然考慮過騎牛搵馬,但份cv 會否因此難睇係令我concern 之一囉。你知啦,d hr 好鍾意針對呢d 位架嘛....所以你話做自己想做的工最正路係正確,所以我唔揀sales 唔揀cs,我而家係apply 我想做的工架,但好難囉。我要求唔高,d 工要求都唔高架,問題係太多人爭喇。我成日都唔明,睇佢份job requirement,其實我都fufil 到吖,點解連in 的機會都冇呢?我係完全百思不得其解!呢一個先係最灰的原因,究竟個問題響邊???我係真係想搵個高人指點一下我點解,我甚至認真地諗過不如打電話去d 公司度問點解in 都唔in 我?如果連自己衰咩都唔知,咁我點improve?

其實你做邊行呢?我都知份工有冇前途有時d 嘢話唔埋,但我又真係睇唔到香港仲可以有多元發展... 而家大陸下下同你香港爭鬥,大把行業越來越北移,香港淨番d 咩呢?

至於悲唔悲喇喎,好簡單啫,呢排不如意太多壓力太多嘢諗咪悲d 囉。一個人的心態同思想,唔多唔少點都會受環境影響。所以我成日同男伴講,而家搵到工的話,我一定冇咁悲架。

但我衰女,我信命運的確存在,話我衰到2013(前後衰足20 年,有時唔到你唔信,因為真係中),萬般不順意。八字話,好彩我身硬,意志比較強,如果唔係,我已經痴咗線。冇嘢既,我寧願佢啱,最多捱到2013,捱過去就okay 啦。只不過係要諗下,仲有呢4 年,我究竟要做d 咩令自己好過d。

所以我悲觀,其實好正常,因為我呢20 年都冇乜點好過。一個人經常面對唔開心的事,係好難樂觀,所以重點係究竟悲得嚟積極定消極。

我覺得悲觀唔係壞事吖,好似黃子華咁,如果佢唔係一個悲觀的人,佢又點會做得成一場又一場既好笑又有哲理的楝篤笑同埋電視劇?(我好記得佢響《絕代商驕》入面對住有老人痴呆症的夏萍講︰唔記得唔緊要,有時我都唔記得咗做人為咩架)悲唔係問題,最重要係識苦中作樂,somehow 我覺得我ok 架喎(但我的確冇響呢個blog 度表現過我呢種好mean 的sense of humor),可能睇得黃子華太多,又或者咁講,我根本就覺得我同佢思路好接近(係,呢方面我好自大!),我好識得神經刀地笑呢個世界的荒謬,ok 架,我仲覺得自己好型添。我反而怕樂觀的人,因為我覺得過度樂觀的人有時未免過於天真,正如有人認為命運係完全不存在一樣,係缺乏同理心同想像力的表現。不過冇嘢既,樂又好悲又好,最重要係自己覺得ok 就ok~~

你又好老陳都好,我又唔會覺得你哋講d 咩得罪我,大家交流下,又唔係玩人生攻擊,冇咩問題,反而我多謝你哋捧場就真。至於寫blog,都係act as sharing 同發洩,響呢度講下晦氣說話,總好過我聲都唔聲然後又再走去食煙。

btw,今晚睇咗黃子華《譁眾取寵》,其中一句金句係「寫俾自己睇就係日記,寫俾其他人睇就叫傳記,呢d 人就係覺得自己係傳奇。」我笑了。笑點在哪?請自行猜測。