2017年6月27日 星期二

娛樂自己

真的,一個人變起上來,就甚麼東西都看不上眼。所以他覺得人仔跟我阻礙他發展事業。

有一次攤牌後,我跟他及人仔去了海港城,我心目中有東西想吃但怕貴,於是給人仔老豆選擇。他看到水牌有度小月,就決定行去LCX 食度小月,去到才發現根本仍裝修中,然後他已經開始燥底,猛問我吃甚麼好,我說邊行邊看,於是求其去到翡翠拉麵小籠包等位。

第二天,我跟他吵起來,他說:「我同你係唔work 㗎喇!睇噚日已經知。」「噚日又點呀?」「你咪又係咁囉,去邊唔知食咩唔知!」「算啦,你變心就咩都唔順眼㗎啦。」事實上,他跟新歡在一起一定充滿新鮮感,因為甚麼東西也沒做過。我跟他一起十年,一定有很多東西重覆,如果這也要怪罪落我頭上的話,根本就等於莫須有。況且,其實一向都是我負責節目安排,只是大肚後行動不方便,加上人仔出世後,的確很多事情都做不了(最簡單睇唔到演唱會入唔到戲院)。再講,是他星期六一直要上課,有時寧願跟同學吃早餐甚至吃午飯才歸來,根本沒太多時間留給我。我很記得《犀利人妻》中謝安真說過,如果之前把放在家裡的心思時間撥出用來跟老公溫瑞凡拍拖可能就不會離婚。然後藍天蔚很不忿地說,生活情趣本來就是兩個人的責任,如果溫瑞凡想要為什麼自己不去製造而光等老婆去做?對呀,為什麼?我想,他就是寧願去找別人去提供情趣,都不想自己嘗試去製造。因為所謂重覆所以唔work,根本都是變心的藉口。

沒有留言: